29 July 2016

ആരാമത്തിന്റെ രഹസ്യം ....

മറക്കുകയാണ്‌....
മലര്‍ വിടര്‍ത്തിയതും
മധു ചുരത്തിയതും
മണം പരത്തിയതും
പ്രസാദിപ്പിച്ചതും....

മറക്കുകയാണ്‌....
കുസൃതി കിടാങ്ങള്‍
ചില്ലയില്‍ തല്ലിനോവിപ്പിച്ചതും....

2

ഓര്‍ക്കുകയാണ്‌....
തണലും
തണ്ണീര്‍തടവും
തലോടലും…..
ഓര്‍ക്കുകയാണ്‌....
മുള്‍ മുനകളേറ്റ്‌ മുറിവേറ്റവരേയും….
...............................

മറ്റുള്ളവര്‍ക്ക്‌ നല്‍കിയത്‌ മറക്കണം .
മറ്റുള്ളവര്‍ വേദനിപ്പിച്ചതും മറക്കണം

മറ്റുള്ളവരില്‍ നിന്നും ലഭിച്ചത്‌ ഓര്‍ക്കണം
മറ്റുള്ളവരെ വേദനിപ്പിച്ചതും ഓര്‍ക്കണം.

എന്ന പ്രവാചക പാഠത്തെ അധികരിച്ചെഴുതിയ കവിത.
പ്രബോധനം പ്രസിദ്ധീകരിച്ചത്‌.

0 comments:

Post a Comment

Note: Only a member of this blog may post a comment.